Zëvendëskryetari miliarder i Berkshire Hathaway, Charlie Munger, rinovoi kritikat e tij të ashpra ndaj sektorit të kriptomonedhave – duke e quajtur industrinë një “kanalizim” plot me aktorë të këqij që shesin monedha dixhitale që nuk kanë ndonjë vlerë aktuale.
Munger, një nga kritikët më të zëshëm të botës financiare të kriptomonedhave, iu referua “marrëzisë së kriptomonedhave” si një “marrëzi masive” gjatë një interviste të publikuar të martën.
“Unë thjesht e shmang atë sikur të ishte një kanalizim i hapur, plot me organizma keqdashës,” tha Munger në një intervistë me Australian Financial Review. “Unë thjesht shmang plotësisht dhe rekomandoj që të gjithë të tjerët të ndjekin shembullin tim.”
Munger vazhdoi diatrin e tij në intervistë, duke e quajtur kripto-n një “investim në asgjë” që investitorët do të duhej të ishin “pothuajse të çmendur” për ta konsideruar.
“Mendoj se kushdo që shet këto gjëra është ose delirant ose i keq. Unë nuk do të prek kripto-n, “tha Munger. “Unë nuk jam i interesuar të dëmtoj monedhat kombëtare të botës.”
